Noma veitingastaðurinn í Kaupmannahöfn er ekki lengur sá besti í heimi heldur þarf René Redzepi að sætta sig við að Noma skipi nú þriðja sæti listans. Spænski staðurinn El Celler de Can Roca þykir sá besti heimi í ár.
Noma hefur á undanförnum fjórum árum í þrígang hafnað í fyrsta sæti listans yfir 50 bestu veitingastaði heims en í gærkvöldi kom í ljós að heiðurinn færi til Spánar í ár. Í öðru sæti er ítalski staðurinn Osteria Frannescana.
Veitingastaðurinn El Celler de Can Roca er í eigu þriggja bræðra og er til húsa í Girona. Þetta er í annað skiptið sem staðurinn er valinn sá besti í heimi en árið 2013 velti hann Noma úr sessi á toppi listans.
Bræðurinir Joan, Jordi og Josep Roca hafa allir skapað sér sérstöðu, hver á sínu sviði. Joan er yfirmatreiðslumaður, Jordi er í eftirréttunum og Josep er sérfræðingur í vínum. Tímaritið Restaurant, sem annast val á bestu veitingastöðum heims, gengur svo langt að tala um hina heilögu þrenningu þegar rætt er um þá bræður.
<a href="http://www.theworlds50best.com/list/1-50-winners" target="_blank">Listinn í heild</a>