Bandaríska leikkonan Natalie Portman er stödd á Íslandi. Þetta kemur fram á vef DV. Samkvæmt heimildum miðilsins sást til Portman nálægt Laugarvatni þar sem hún snæddi máltíð ásamt vinum og vandamönnum. Þess má geta að Portman fagnar 34 ára afmæli sínu í dag og má því gera ráð fyrir því að Íslandsförin sé í tilefni þess.
Portman hlaut óskarsverðlaun árið 2011 fyrir leik sinn í kvikmyndinni Black Swan.