Einhverjir hörðustu aðdáendur hjartaknúsarans Nicks Jonas gleðjast ef til vill núna því hann er hættur með kærustunni, fegurðardrottningunni Oliviu Culpo. Nick Jonas var hluti af hljómsveitinni Jonas Brothers en sú sveit á sér stóran aðdáendahóp þrátt fyrir að hún sé ekki starfandi í dag.
Olivia Frances Culpo er bandarísk fegurðardrottning og sjónvarpskona. Þau Jonas hafa átt í ástarsambandi í tvö ár en samkvæmt slúðurmiðlum vestanhafs er sambandið nú á enda.
Fregnir herma að Jonas og Culpo dvelji nú hvort á sínu hótelinu í New York en ekki er vitað hvað varð til þess að þau ákváðu að slíta sambandinu.