Ævintýragjarnt par vakti athygli á rauða dreglinum á Cannes Lions auglýsingahátíðinni fyrr í vikunni. Þannig stundaði fólkið kynlíf fyrir allra augum eftir að athöfn lauk á miðvikudaginn. David Griner frá auglýsingablaðinu AdWeek var í teiti í íbúð á móti dreglinum þegar hann sá aðfarirnar. Sagði hann atlotin hafa staðið í um 20 mínútur, en eftir það tók parið spjarir sínar saman og gekk á brott undir dynjandi lófataki nálægra veislugesta.
„Þetta var krúttlegt á hálf sérstakan hátt og þau eru aðdáunarverð fyrir ævintýragirni sína,“ ritaði Griner m.a. á Twitter síðu sína. Hann birti síðan mynd af svölunum þar sem sjá má parið í miðjum klíðum.
Mad respect for this couple having blatant sex on the #CannesLions red carpet just now. pic.twitter.com/JVgVYIsC8z
— David Griner (@griner) June 23, 2015