Tónlistakonan Nicki Minaj tók móður sína, Carol Maraj, með á BET-verðlaunahátíðna sem haldin var í Los Angeles í gær. Minaj fékk verðlaun á hátíðinni og tók mömmu sína með upp á svið þegar hún tók við verðlaunagripnum.
Minaj fékk viðurkenningu fyrir framlag sitt til Hip Hop-tónlistar sem kona. Minaj þakkaði móður sinni fyrir um leið og hún tók við verðlaununum. „Ég er alltaf að tala um mömmu mína en þetta er í fyrsta sinn sem heimurinn fær að sjá hana. Ég elska þig svo heitt,“ sagði Minaj.
Beyoncé, Chris Brown, Kendrick Lamar og Sam Smith eru meðal þeirra sem fengu einnig verðlaun í gær.