Hin 17 ára Kylie Jenner var að flytja að heiman í nýja 360 milljón króna húsið sitt.
Kylie verður 18 ára þann 10. ágúst en ungstirnið er nú þegar byrjað að flytja inn í glæsihöllina sína. Kylie hefur fengið hjálp frá stóru systur sinni, Khloé Kardashian.
Khloé og Kylie settu sig í stellingar fyrir framan stóran spegil í nýja húsinu og tóku mynd. Myndina birtu þær á Instagram í fyrradag. Kylie hefur síðan þá birt nokkrar myndir sem teknar eru í húsinu og svart, hvítt og grátt virðist vera í aðalhlutverki.
Samkvæmt heimildum TMZ er nýja húsið, sem er rúmir 450 fermetrar, í sömu götu og hús Khloé.