Þau Ben Affleck og Jennifer Garner flúðu til Bahama-eyja með börnin sín þrjú. Þar hyggjast þau dvelja á meðan fréttir af skilnaði þeirra tröllríða öllu í fjölmiðlum en þau tilkynntu fyrr í vikunni að þau væru að skilja eftir tíu ára hjónaband.
Affleck og Garner vildu koma börnunum sínum, sem eru á aldrinum þriggja til níu ára, úr sviðsljósinu. „Þeim þótti mikilvægt að fá næði og verja tíma með börnunum sínum. Þetta er erfitt fyrir alla,“ sagði heimildamaður New York Post.
„Ben var grárri en vanalega. En Jen er í góðu skapi, hún sást æfa með þjálfaranum sínum,“ bætti heimildamaðurinn við.