Rapparinn 50 Cent „varð“ að koma við á bílasölu og kaupa sér 40 milljóna króna Rolls Royce-bíl áður en hann mætti í viðtal í þáttinn Soundchain.
Rapparinn mætti seint í viðtalið vegna bílakaupanna. „Hann var aðeins of seinn. Svo kom hann og sagði: „Ég varð að stoppa á leiðinni og kaupa svolítið.“ Hann sagði þetta eins og hann hefði keypt sér vatn,“ sagði þáttastjórnandi Soundchain, Nick Grimshaw.
Eftir viðtalið bauð 50 Cent svo Grimshaw í bíltúr á nýja kagganum. „Það hlupu allir út og eltu okkur og hrópuðu og kölluðu. Hann er sko frægur í New York.“