Bera þurfti breska söngvarann Damon Albarn af sviði Hróarskelduhátíðarinnar í Danmörku um helgina. Albarn hafði neitað að yfirgefa sviðið en tónleikar hans höfðu staðið yfir í fimm klukkustundir.
Albarn, sem er þekktastur fyrir að vera söngvarinn í Blur, kom fram á hátíðinni ásamt Africa Express. Þegar klukkan var orðin fjögur um nótt spurði Albarn, sem er 47 ára gamall, áhorfendur hvort þeir vildu meira. Þá spilaði hann lagið Should I Stay Or Should I Go sem Clash gerðu ódauðlegt á sínum tíma við mikinn fögnuð viðstaddra. „Til fjandans með það sem allir segja. Þið viljið meira, við gefum ykkur meira.“
Þá fór öryggisvörður upp á sviðið, tók Albarn upp og bar hann af sviðinu sem veifaði til mannfjöldans sem baulaði á öryggisvörðinn.