Leikstjóri Law and Order ákærður fyrir vörslu barnakláms

Jace Alexander, leikstjóri þáttanna Law and Order, var nýverið handtekinn fyrir vörslu og dreifingu barnakláms.

Í yfirlýsingu frá ríkislögmanni í Westchester segir að Alexander sé ákærður fyrir dreifingu á myndböndum sem að sýna börn staka þátt í kynferðislegu athæfi og fyrir vörslu á slíkum myndum.

Alexander er sjálfur tveggja barna faðir. Hann var handtekinn eftir að IP-tala sem var að niðurhala barnaklámi var rakin til hans. Þá var leitað á heimilinu og Alexander handtekinn í framhaldi.

„Eftir rannsókn á tölvum og hörðum diskum á heimili Alexander fundust myndir og myndbönd af börnum undir lögaldir í kynferðislegum stellingum,“ segir ríkislögmaður. 

Samkvæmt frétt Independent verður Alexander leiddur fyrir rétt þann 19. nóvember.

• Blogga um frétt