Breska söngkonan og sjónvarpskonan Cilla Black er látin, 72 ára að aldri. Hún var í fríi í grennd við strandborgina Marbella á Spáni þegar hún lést í seinustu viku, samkvæmt breskum fjölmiðlum.
„Við erum enn að bíða eftir niðurstöðum úr krufningunni, en á þessu stigi bendir allt til þess að dauða hennar hafi borið að af eðlilegum ástæðum,“ sagði talsmaður lögreglunnar.
Black hafði glímt við liðagigt og heyrnarskerðingu. Hún sagðist ekki getað unnið lengur, þrátt fyrir að hafa fengið nokkur tilboð.
Ferill Cillu spannar yfir fjörutíu ár. Hún komst til frægðar á sjöunda áratugnum með aðstoð Brians Epsteins, sem einnig var umboðsmaður Bítlanna, þegar hún söng lög á borð við lag Burts Bacharahs „Anyone Who Had a Heart“.
Very saddened to hear that Cilla Black has died. Brought great joy to my childhood. Thoughts with family & friends pic.twitter.com/BshqtQIi27
— Sajid Javid (@sajidjavid) August 2, 2015