Krufning leiddi í ljós að breska söng- og sjónvarpskonan Cilla Black lést af völdum heilablóðfalls.
Samkvæmt vefnum Independent missti Black jafnvægið er hún stóð úti á svölum á hótelherbergi sínu á Spáni. Hún féll á höfuðið og missti meðvitund. Black þjáðist ekki lengi áður en hún lést.
Synir Black þakka alla þá samúð sem þeir hafa fengið. „Við viljum þakka öllum fyrir auðsýnda samúð, sérstaklega öllum frá Liverpool. Samúðarkveðjurnar hafa virkilega hjálpað okkur í gegnum þessa erfiðu tíma.“ Spænsk yfirvöld hafa nú gefið leyfi til að flytja líkama Black heim til Bretlands.
Ferill Cillu spannar yfir fjörutíu ár. Hún komst til frægðar á sjöunda áratugnum með aðstoð Brians Epsteins, sem einnig var umboðsmaður Bítlanna, þegar hún söng lög á borð við lag Burts Bacharahs „Anyone Who Had a Heart“.
Frétt mbl.is - Cilla Black látin