Angelina Jolie og Brad Pitt leita sér nú að heimili í London. Samkvæmt heimildarmanni Us Weekly er Jolie að huga að því að sökkva sér í stjórnmál í Evrópu.
Hjónin skoðuðu sjö herbergja hús í Westminster hverfinu í London í júní. Húsið kostaði rúmlega fimm milljarða íslenskra króna og segir heimildarmaður Us Weekly að parið hafi þurft að hugsa sig um áður en það festi svo mikla fjármuni í einni eign. „Þetta er stór fjárfesting. Hvorugt þeirra vill binda svo mikið af seðlum í einni eign.“
Þau Jolie og Pitt hafa heimsótt London nokkrum sinnum í sumar og átti Jolie meðal annars fund þar til að ræða utanríkisstefnu Bretlands og herferð sína sem vinnur að því að binda endi á kynferðisofbeldi í stríði.