Ein sjálfsmynda raunveruleikastjörnunnar Kim Kardashian, sem hún deildi á Instragram í gær, vekur áleitnar spurningar um #FreetheNipple-hreyfinguna og kyngervingu kvenna. Á myndinni sjást lögulegur barmur Kardashian og þrýstnar varir hennar, en með henni fylgja tvö „tilfinningatákn“: tveir pelar.

Sú spurning vaknar hvað Kardashian er að segja með myndinni og tilfinningatáknunum; er myndbirtingin yfirlýsing um að brjóst séu til þess gerð að fæða og næra börn, eða er hún viljandi að leika sér að því að ögra með því að splæsa saman hinu móðurlega og kynþokkafulla?

Þess ber að geta að Kardashian er barnshafandi.

Athafnakonan hefur áður sagt að jafnvel þótt aðrir myndu e.t.v. kalla hana femínista sé það ekki hennar stíll að „setja merkimiða á hluti“ og hrópa „frelsum geirvörtuna og þess háttar“.

Hún hefur hins vegar einnig sagt að forsíðumynd Paper, sem var ætlað að #BreaktheInternet, hafi verið valdeflandi en þar birtist hún á Evuklæðunum einum saman.

<blockquote class="twitter-tweet">

🍼🍼 <a href="http://t.co/6HYF5QtU2y">pic.twitter.com/6HYF5QtU2y</a>

— Kim Kardashian West (@KimKardashian) <a href="https://twitter.com/KimKardashian/status/637367184948264960">August 28, 2015</a></blockquote><script async="" charset="utf-8" src="//platform.twitter.com/widgets.js"></script><div id="embedded-remove"> </div>

Það flækir málin enn frekar að með myndinni sem Kardashian deildi á Instagram fylgdu enn aðrar, þar sem hún setur sig í kynþokkafullar stellingar. Sumir myndu þó eflaust færa fyrir því rök að henni sé frjálst að gera hvað sem hún vill með sinn líkama og vandinn liggi annars staðar, þ.e. hjá þeim sem tengja fallega konu sjálfkrafa við kynlíf.

<blockquote class="twitter-tweet">

<a href="https://twitter.com/hashtag/FBF?src=hash">#FBF</a> kisses from St. Barth's <a href="http://t.co/Mc11dRQaEJ">pic.twitter.com/Mc11dRQaEJ</a>

— Kim Kardashian West (@KimKardashian) <a href="https://twitter.com/KimKardashian/status/637353063108341760">August 28, 2015</a></blockquote><script async="" charset="utf-8" src="//platform.twitter.com/widgets.js"></script><div id="embedded-remove"> </div>