Gekk kettlingi í móðurstað

Í færslu á Facebooksíðu Dýralæknamiðsstöðvarinnar í Grafarholti segir frá afar sérstöku sambandi tíkur og kettlings, en tíkin gekk kettlingnum í móðurstað. Sjálf átti hún fyrir tveggja vikna hvolp og sá aumur á kettlingnum. Komið var með kettlinginn til dýralæknanna á þriðjudaginn, en hann hafði fundist úti, sennilega sólarhringsgamall.

Í færslunni segir að kettlingurinn hafi fengið nafnið Snati og mun hann koma til dýralæknanna í bólusetningar, ormahreinsun og örmerkingu þegar hann hefur aldur til. „Við hlökkum mikið til að sjá hann aftur. Þangað til fáum við bara sendar myndir af honum reglulega ásamt fósturmömmu og stóra bróður.“