Hver er þessi ungi og alvarlegi maður? Þessu hafa eflaust margir velt fyrir sér er þeir sáu myndir af kanadíska ungstirninu Justin Bieber sem mætti á MTV-tónlistarhátíðina í gær.
Bieber sem hefur oftsinnis sett mark sitt á t.d. hártísku ungra manna og líklega mun þessi nýja klipping hans sjást á kollum margra drengja á næstunni.
Bieber er auðvitað að fullorðnast, að breytast úr unglingi í ungan mann en hann er fæddur árið 1994. Það er því ekkert skrítið að stíll hans breytist og þróist. Svo má sjá glitta í skeggbrodda á hingað til sléttu andlitinu. Bieber er sum sé ekki lengur barn.