Bandaríski leikstjórinn Wes Craven er látinn 76 ára að aldri. Craven lést í gær á heimili sínu í Los Angeles en banamein hans var illkynja heilaæxli.
Meðal kvikmynda Cravens er Nightmare on Elm Street en hann skrifaði handritið og leikstýrði myndinni árið 1984. Scream myndir hans nutu mikilla vinsælda en samkvæmt BBC skiluðu þær yfir 100 milljónum Bandaríkjadala í tekjur.
Fyrsta kvikmynd hans The Last House on the Left var frumsýnd árið 1972 en hann skrifaði einnig handrit þeirrar myndar.
Auk kvikmynda leikstýrði hann einnig hryllingsefni í sjónvarpi.