Franski leikstjórinn Pascal Chaumeil lést á á fimmtudaginn eftir baráttu við krabbamein. Hann var 54 ára að aldri.
Chaumeil hóf kvikmyndaferil sinn sem aðstoðarmaður árið 1988. Þá vann hann töluvert með leikstjóranum Luc Besson snemma á ferlinum, meðal annars við gerð myndanna The Fifth Element og The Messenger.
Chaumeil hefur unnið með stjörnum á borð við Vanessa Paradis, Diane Kruger og Pierce Brosnan og unnið til virtra kvikmyndaverðlauna, meðal annars fyrir myndina Heartbreaker.