Sonur Harry Potter var víst eitt þeirra bresku barna sem hóf skólagöngu í vikunni. Höfundur bókanna um galdrastrákinn greindi frá þessu á Twitter í gær.
„Ég er í Edinborg þannig að gæti einhver á King‘s Cross lestarstöðinni óskað James S. Potter góðs gengis fyrir mig? Hann byrjar í Hogwarts í dag,“ skrifaði J.K. Rowling á Twitter.
I'm in Edinburgh, so could somebody at King's Cross wish James S Potter good luck for me? He's starting at Hogwarts today. #BackToHogwarts
— J.K. Rowling (@jk_rowling) September 1, 2015
Seinna sama dag sagði höfundurinn á Twitter að James Potter hefði fæðst árið 2004 og væri því ellefu ára gamall. Hann var settur í Gryffindor heimavistina rétt eins og foreldrarnir, Harry Potter og Ginny Weasley.
Have just heard that James S Potter has been Sorted (to nobody's surprise) into Gryffindor. Teddy Lupin (Head Boy, Hufflepuff) disappointed.
— J.K. Rowling (@jk_rowling) September 1, 2015
Þúsundir aðdáenda bókanna brugðust við á Twitter. Einn skrifaði til dæmis „Mér finnst ég gamall“. Rowling hefur verið dugleg að leyfa aðdáendum Potter að fylgjast með persónunum áfram síðustu ár en átta ár eru síðan að síðasta bókin um hann kom út.
Rúmlega 450 milljónir af bókunum um Harry Potter hafa selst um allan heim.