Leikarinn Tom Hardy þótti lítið mál að leika bæði gagnkynhneigðan og samkynhneigðan karakter í myndinni Legend. Hardy, sem hefur sjálfur verið bæði með konum og körlum, „pældi ekki í því“ að hann væri að leika tvo karaktera með sitthvora kynhneigðina.
Hardy leikur tvíburana Ronald og Reginald Kray í spennumyndinni Legend en Ronald er samkynhneigður og Reginald er gagnkynhneigður.
Hardy var spurður út í hlutverkin á blaðamannafundi í London í gær. „Veistu, ég pældi ekki einu sinni í því. Ég held að maður þurfi ekki að leika hana [kynhneigðina]. Þannig er það,“ sagði Hardy. „Ég held að ef maður fer að leika eitthvað þá skilur maður ekki það sem maður á að gera. Við vitum ekki einu sinni hvort Reggie sé samkynhneigður líka, það má deila um það. Skiljið þið mig?“