Frakkar kunna að meta Illsku

Illska eftir Eirík Örn Norðdahl hefur verið tilnefnd til tvennra af virtustu bókmenntaverðlaunum Frakka, sem gefin eru þýddum bókum.

Fyrst var það tilnefning til stærstu bókmenntaverðlaun Frakklands, Prix Médicis, en af 13 tilnefndum bókum voru tvær íslenskar, báðar þýddar af Eric Boury.

Og í gær var bókin svo tilnefn til Prix du meilleur roman étranger sem besta erlenda skáldsagan sem komið hefur út í Frakklandi á þessu ári. Þetta kemur fram í tilkynningu frá Forlaginu. 

Illska kom út á Íslandi árið 2012 og hlaut m.a. Íslensku bókmenntaverðlaunin. Bókin var á dögunum þýdd á frönsku.

Þá hefur Illska þegar hlotið ein verðlaun í Frakklandi: Prix Transfuge - en það eru verðlaun fyrir bestu norrænu skáldsöguna sem gefin er út í Frakklandi á þessu ári.

• Blogga um frétt