Þegar tíðablóðið lekur í rúmið

Hvað gerir kona þegar hún vaknar við hlið karlmanns eftir gott partí og tekur eftir því að hún er byrjuð á túr og blóðið hefur lekið í rúmið?

Sýningin Konubörn í Gaflaraleikhúsinu vakti mikla athygli síðasta vetur og hefjast sýningar á ný föstudaginn 9. október. Hópurinn Konubörn hefur einnig gefið út myndskeið sem sýnir ungar konur á leið í sund og sungið lag um makaleit í miðborg Reykjavíkur.

Frétt mbl.is: Makaleit í miðborg Reykjavíkur í einu lagi

Í nýjasta myndskeiði hópsins má sjá unga konu sem í örvæntingu sinni grípur rauðan varalit, makar honum í andlitið og leggst upp í rúm við blóðblettina, þannig að skilja megi sem svo að um varalit sé að ræða, ekki tíðablóð.

Leikstjóri sýningarinnar er Björk Jakobsdóttir. Höfundar og leikarar eru Ásthildur Sigurðardóttir, Ebba Katrín Finnsdóttir, Eygló Hilmarsdóttir, Sigurlaug Sara Gunnarsdóttir, Þórey Birgisdóttir og Þórdís Björk Þorfinnsdóttir.

Konubörn á Facebook

• Blogga um frétt