Katie Price segir að hún og fyrrverandi eiginmaður hennar, Peter Andre, séu eins og Brad Pitt og Angelina Jolie. Sérstaklega í hugum bresku þjóðarinnar. En glamúrfyrirsætan Price, sem einnig er þekkt sem Jordan, lýsti því yfir í viðtali að breska þjóðin væri með hana og fyrrverandi eiginmann hennar á heilanum, líkt og fram kemur í frétt Contactmusic.
„Við höfum bæði sagt skilið við fortíðina, en við erum eins og Brad Pitt og Angelina Jolie, það eru allir með fyrrverandi maka okkar á heilanum.“
Price og Andre gengu í hjónaband 2005, en leiðir þeirra lágu saman í raunveruleikaþættinum I‘m a Celebrity Get Me Out of Here. Saman áttu þau síðan tvö börn, Junior og Princess Tiaamii áður en þau skildu árið 2009.
Andre er einn af keppendunum í bresku raunveruleikaþáttunum Strictly Come Dancing og telur Price, sem nú er gift á ný, hann sigurstranglegan. Hún ætlar þó ekki að horfa á þættina.
„Ég ætla ekki að fara að sitja í sófanum með eiginmanni mínum og horfa á Peter dansa.“