Það er nú varla fréttnæmt þegar að háskólanemar týna skilríkjunum sínum. En í tilviki Lauren, sem er nemandi við Fulham Unviersity í New York borg er það svo sannarlega fréttnæmt þar sem enginn annar en stórleikarinn Tom Hanks fann skilríkin.
Hanks birti mynd af skilríkjum stúlkunnar á Twitter í morgun og sagðist hafa fundið þau í almenningsgarði. Á Twitter skrifar Hanks að ef Lauren þurfi skilríkin geti hún nálgast þau á skrifstofu leikarans.
Fjölmargir hafa svarað Hanks á Twitter en ekki lítur út fyrir að Lauren sjálf hafi gefið sig fram.
Lauren! I found your Student ID in the park. If you still need it my office will get to you. Hanx. pic.twitter.com/Ee9kK4V4qf
— Tom Hanks (@tomhanks) October 6, 2015