Það tóku líklega langflestir Íslendingar eftir því þegar að Justin Bieber mætti hingað til lands í síðasta mánuði. Miðað við færslur á samfélagsmiðlum líkaði Bieber dvölin á Íslandi vel og skoðaði hann m.a. Suðurlandið og Vestmannaeyjar.

En nú virðist sem Bieber hafi gert nokkuð góð kaup hér á landi en á mynd sem birtist á Facebook síðu söngvarans má sjá hann skarta sundskýlu þar sem á stendur ICELAND.

Ekki lítur út fyrir að myndin sé tekin hér á landi, heldur á suðrænni slóðum. Á myndinni má sjá Bieber dýfa tánum ofan í sundlaug með kassagítarinn í hönd.

Bieber birti myndina fyrir 21 klukkustund og hafa tæplega 680.000 einstaklingar „líkað“ við hana síðan. 

Tengdar fréttir

Justin Bieber

Eru heitustu hjónin í Hollywood að skilja?

• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin
• Stjörnum prýdd útför rappara

» Fleiri tengdar fréttir

• Blogga um frétt