Fjölmörg myndbönd hafa verið sett á netið þar sem sjá má fólk sem gengur misvel að aka bifreiðum. Frammistaðan hefur gjarnan verið mjög skrautleg svo ekki sé meira sagt. Meðfylgjandi myndband var í dag birt á fréttavef breska dagblaðsins Daily Telegraph og að sögn sýnir ökumann nokkurn í Rússlandi. Lesendum er látið eftir að dæma hvort hér sé á ferðinni versti bílstjóri í heimi en hann ætti allavega að eiga góða möguleika á að hljóta þá hafnbót.