David Beckham var á dögunum krýndur kynþokkafyllsti karlmaður heims af tímaritinu People. Nú tæpri viku síðar hefur hann eignast keppinaut, sem heldur því fram að hann sé kynþokkafyllsta fyrirsæta veraldar.
Beckham lætur slíkt að sjálfsögðu ekki yfir sig ganga, heldur svaraði fullum hálsi á Instagram-síðu sinni í morgun.
„Ég er nýkrýndur og þessi maður er strax farinn að reyna að stela athyglinni frá mér. Aftur!“
A photo posted by David Beckham (@davidbeckham) on Nov 24, 2015 at 2:01am PST
Eins og sjá má prýðir leikarinn Ben Stiller, í gervi Derek Zoolander, forsíðuna tímaritsins People að þessu sinni, en þar stendur stórum stöfum „kynþokkafyllsta fyrirsæta veraldar, Derek Zoolander“.
Það er augljóslega stormasamt á toppnum.
Frétt mbl.is: Fólk hvatt til að sniðganga Zoolander 2
A photo posted by David Beckham (@davidbeckham) on Nov 17, 2015 at 11:33pm PST