Appelsínugulur og sjaldgæfur apaungi
Setja bókamerki
Nýlega fæddist api í Taronga dýragarðinum í Sydney í Ástralíu. Apinn er ekki einungis ótrúlega krúttlegur heldur er hann einnig appelsínugulur og af einni sjaldgæfustu apategund heims; Francois’ Langur.
Apakrílið hefur fengið nafnið Nangua, sem þýðir grasker á kínversku. Starfsmenn dýragarðsins tóku fyrst eftir honum í fangi móður sinnar hinn 7. nóvember sl.
Apar af þessari tegund koma appelsínugulir að lit í heiminn en feldurinn verður dekkri með aldrinum. Tegundin er í útrýmingarhættu og er talið að einungis 800 slíkir apar lifi villtir í náttúrunni. Nangua er fjórði apinn af þessari tegund sem fæðist í dýragarðinum.
Francois’ Langur tegundin er nefnd í höfuð frakkans Auguste François sem var fyrsti vestræni maðurinn sem skrásetti tegundina.
Samkvæmt The Guardian hafa tveir apar skipst á því að sjá um ungann, annars vegar móðirin og hins vegar apinn Noel. Þegar Noel sér um apann gefst móðurinni færi á að hvílast og borða en um leið og apaskottið gefur frá sér einhver hljóð kemur móðirin hlaupandi samkvæmt starfsmanni dýragarðsins.
Skiptir miklu meira máli en fólk grunar
„Á réttri leið en nokkuð í land ennþá“
Skar höfuðleðrið af íslenskri konu
„Skýr skilaboð til Seðlabankans“
Hernaðaraðstoð samþykkt – Vopnasendingar í vikunni
Tveir í bílnum sem lenti utan vegar