Kylie Jenner greindi frá því í viðtali við spjallþáttadrottninguna Ellen Degeneres að hún kunni betur að meta Caitlyn heldur en Bruce Jenner.

Eins og alþjóð eflaust veit gekkst Jenner undir kynleiðréttingarferli fyrr á árinu. Dóttir hennar, Kylie, segist leyndarmálið hafa hvílt þungt á fjölskyldunni þegar hún var að vaxa úr grasi, líkt og sjá má á frétt Daily Mail.

„Mér líður eins og það hafi alltaf verið þetta risa leyndarmál í fjölskyldunni.“

Kylie og systir hennar Kendall urðu báðar vitni að því þegar faðir þeirra laumaðist til að klæðast kvenmannsfötum þegar þær voru börn að aldri. Kylie segir að það hafi verið mikið feimnismál og hafi jafnan ekki verið rætt innan fjölskyldunnar.

„Nú er hún í raun og veru að upplifa sitt raunverulega sjálf, og það er æðislegt.“

Ungstirnið játar að eftir að Caitlyn kom út úr skápnum sem transkona nái þær betur saman, en nú eiga þær sameiginlegt áhugamál, förðunarvörur og tískuföt.

„Nú þegar það eru engin leyndarmál finnst mér við eyða meiri tíma saman.“

Jenner segist vilja berjast fyrir auknu umburðarlyndi og veita öðru ungu fólki í hennar stöðu innblástur.

„Ég held að strákar og stelpur á mínum aldri sjái hvað ég tek þessu öllu opnum örmum og geri þá hugsanlega slíkt hið sama.“

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt