Brúðkaupsferð ársins hjá fræga fólkinu

Stjörnubrúðkaup ársins fór fram á dögunum þegar Sofia Vergara gekk að eiga unnusta sinn, Joe Manganiello. Hvergi var til sparað, en athöfnin fór fram á Palm Beach þar sem fagnað var yfir heila helgi.

Vergara er best þekkt fyrir hlutverk sitt í gamanþáttunum Modern Family, en hún er launahæsta leikkonan í bandarísku sjónvarpi þessa dagana. Manganiello hefur hins vegar gert garðinn frægan í kvikmyndinni Magic Mike og þáttunum True Blood svo eitthvað sé nefnt.

Það þarf því ekki að undra að skötuhjúin hafi ákveðið að skella sér í brúðkaupsferð ársins. Vergara deildi myndum á Instagram-síðu sinni þar sem hjónin sjást flatmaga á sólarstönd.

Hveitibrauðsdagarnir virðast fara vel í hjónin, en þau létu fara vel um sig í lúxus villu undan ströndum karabíska hafsins.

Sjá frétt mbl.is: Brúðkaup ársins hjá fræga fólkinu

• Blogga um frétt