Fjölmiðlar hafa farið mikinn undanfarið, enda hefur talsvert oft sést til söngkonunnar Katy Perry og leikarans Orlandos Blooms upp á síðkastið.
Sögusagnirnar fóru fyrst á kreik eftir Golden Globe-verðlaunaafhendinguna, enda þótti viðstöddum skötuhjúin daðra fremur hressilega.
Síðan þá hafa Perry og Bloom sést nokkuð oft saman, en á miðvikudaginn sáust þau snæða kvöldverð á veitingastað í Hollywood, líkt og fram kemur í frétt Daily Mail.
Bloom var áður giftur fyrirsætunni Miröndu Kerr, en saman eiga þau soninn Flynn. Perry var hins vegar í hjónabandi með grínistanum Russell Brand, en leiðir þeirra skildi árið 2011.