Ný íslensk þáttaröð hlýtur styrk
Setja bókamerki
Íslenska sjónvarpsþáttaröðin Fangar hlýtur styrk úr Norræna kvikmynda- og sjónvarpssjóðnum. Þegar hafa þættirnir verið seldir til allra ríkissjónvarpa á Norðurlöndunum og til Canal + í Póllandi. Leikstjóri þáttanna verður Ragnar Bragason og munu tökur hefjast í maímánuði.
Styrkveitingin kemur fram í nýrri tilkynningu á vefsíðu sjóðsins.
Margrét Örnólfsdóttir og Ragnar Bragason skrifa handritið en þáttaröðin hefur þegar hlotið stuðning Kvikmyndamiðstöðvar Íslands. Áætlað er að þættirnir verði sýndir á RÚV veturinn 2016/2017 en þeir eru byggðir á hugmynd leikkvennanna Unnar Aspar Stefánsdóttur og Nínu Daggar Filippusdóttur.
Misharðnaðir glæpamenn í kvennafangelsi
Þáttaröðin er sögð fjalla um aðalpersónuna Lindu og hvernig líf hennar hrynur þegar hún er færð í kvennafangelsi í Kópavogi eftir að hafa ráðist á föður sinn, þekktan mann úr viðskiptalífinu og veitt honum lífshættulega áverka.
Í fangelsinu hittir Linda fyrir aðrar konur sem hafa farið út af sporinu í lífinu, misharðnaða glæpamenn sem allar hafa sögu að segja úr heimi grimmdar og ofbeldis. Enginn veit hins vegar að hún hefur að geyma myrkt leyndarmál sem sundrað gæti fjölskyldu hennar en jafnframt tryggt henni frelsi.
Í þáttunum leika einnig þær Þorbjörg Helga Þorgilsdóttir, Halldóra Geirharðsdóttir og Kristbjörg Kjeld. Þá er BAFTA-verðlaunahafinn Valdís Óskarsdóttir klippari þáttanna. Framleiðendur eru Davíð Óskar Ólafsson og Árni Filippusson fyrir Mystery Productions og Vesturport.
Fara ekki lengur fram á einangrun yfir Davíð
„Mér finnst Halla Hrund svona Vigdísarleg“
Búið að bólusetja börn alla helgina
Átta morðmál á aðeins tólf mánuðum
Myndskeið: „Fólk var komið ískyggilega nálægt“
Mest spennandi kosningar í áratugi
/frimg/1/48/63/1486389.jpg)
Halla ekki verið að taka harða afstöðu