Stuðningsmenn íþróttaliða eiga það til að fagna vel þegar liðinu gengur vel. Þannig virðist tölfræði vestanhafs benda til þess að fæðingum fjölgi skyndilega í heimaborg sigurliðsins níu mánuðum eftir Superbowl, úrslitaleik NFL.
Nú hafa forsvarsmenn NFL leitað uppi nokkur börn sem kalla má Superbowl-börn, og eiga þau það sameiginlegt að hafa fæðst níu mánuðum eftir að liðið sem foreldrarnir studdu vann Superbowl.
Í þessu skemmtilega myndbandi eru þau saman komin og syngja saman lagið Kissed By A Rose eftir söngvarann Seal. Sjón er sögu ríkari. Superbowl fer einmitt fram nú í kvöld þar sem liðin Carolina Panthers og Denver Broncos mætast. Þá stendur aðeins sú spurning eftir hvort fæðingatíðnin í Carolina eða Denver rýkur upp að níu mánuðum liðnum.