Raunveruleikastjarnan Kelly Osbourne þykir fremur erfið viðureignar, en hún starfar um þessar mundir sem dómari í Australia's got Talent.
Samkvæmt nýjasta tölublaði ástralsks vikurits hefur Osbourne sett fram ýmsar kröfur sem starfsfólk þáttanna þarf að fara eftir til að styggja hana ekki. Til að mynda er því haldið fram að förðunarfræðingar og hárgreiðslufólk stjörnunnar þurfi ávallt að vera til taks svo útlit Osbourne haldist óaðfinnanlegt.
Þá er því einnig haldið fram að Osbourne hafi bannað starfsfólki þáttanna að tyggja tyggigúmmí í návist sinni, enda fari hljóðið ákaflega í taugarnar á henni.
Osbourne virðist þó sæl og glöð með starfið og dvöl sína í Ástralíu, en hún segist frá sér numin yfir öllu því hæfileikaríka fólki sem finna megi í landinu.
Frétt Daily Mail.