Kötturinn Felix hefur staðið sig eins og hetja við að veiða meindýr á lestarstöðinni Huddersfield í Englandi. Vegna velgengi sinnar í starfi hefur Felix verið veitt stöðuhækkun og er hann nú titlaður yfirmaður meindýravarnadeildar á lestarstöðinni. Titlinum fylgir afar krúttlegur búningur sem Felix klæðist á meðfylgjandi myndum.
Felix hóf störf á stöðinni aðeins níu vikna gamall en í laun fyrir störf sín fær hann alls kyns góðgæti. Á starfstíma sínum hefur hann passað upp á það að lestarstöðin sé laus við meindýr á borð við mýs og rottur.
Þegar lítið er um að vera á stöðinni situr Felix gjarna við miðasöluna og fylgist með vegfarendum fara leið sína.
Nýlega voru settar upp öryggishindranir á lestarstöðinni en þá var að sjálfsögðu gert ráð fyrir Felix og sett kattarlúga á hindranirnar þannig að hann kæmist leiðar sinnar.
Felix hefur vakið mikla athygli á lestarstöðinni og því hefur verið stofnuð Facebook-síða um ævintýri hans.
Posted by Felix the Huddersfield Station Cat on Sunday, 5 July 2015
What a week it's been. 5,000 likes and countless press articles from all over the world. Today though I will mostly be chasing pigeons off Platform 1.
Posted by Felix the Huddersfield Station Cat on Thursday, 4 February 2016