Naktir túristar troða sér í fótalaug

Grímkell Pétur Sigurþórsson var í gönguferð ásamt konu sinni, dóttur og vinum hennar við Gróttu á Seltjarnarnesi þegar hann sá sér til mikillar furðu tvo ferðamenn sem höfðu afklæðst og komið sér fyrir í lítilli laug þar sem er vinsæl til fótabaða. 

Laugin er útilistaverk eftir Ólöfu Nordal og er gerð úr heilum grágrýtissteini og í  hana rennur jarðhitavatn úr borholum Seltjarnarness. 

„Við vorum bara í sunnudagsgöngutúr á þessum fallega en kalda degi," segir Grímkell sem ætlaði að sýna börnunum hvalabeinagrind í fjörunni í samtali við mbl.is. „Ég var mjög hissa þegar ég sá ferðamennina, ég hefði aldrei ímyndað mér að það kæmist ein manneskja og hvað þá tvær ofan í þessu pínulitlu fótalaug. Ég hugsaði bara, vel gert.“

Laugin er útilistaverk eftir Ólöfu Nordal og er gerð úr heilum grágrýtissteini. .Ljósmynd: Grímkell Pétur Sigurþórsson

• Blogga um frétt