Kvikmyndagerðarkonan Lena Dunham viðurkenndi á dögunum að henni þætti sífellt erfiðara að fækka fötum fyrir hlutverk hennar í sjónvarpsþáttunum Girls.
„Þegar ég byrjaði að vinna að þáttunum var ég einhleyp og enginn vissi hver ég var. Vinnan mín var lífið mitt, þannig að þegar ég afklæddist fyrir framan myndavélarnar var það bara framlenging á því“ lét Dunham flakka í viðtali.
„Það hvarflaði ekki að mér að sjónvarpsgagnrýnendur og fólk á netinu myndi sjá þetta. Nú, hvort sem mér líkar betur eða verr, fæ ég stöðugt að heyra viðbrögðin við þessu.“
Fimmta þáttaröðin af Girls fer í loftið á næstu dögum, en Dunham mun ekki taka þátt í kynningarstarfsemi hennar vegna heilsufarsvandamála, en hún þjáist af legslímuflakki.
Frétt Daily Mail