Stórleikarinn Liam Neeson setti allt á annan endann í vikunni þegar hann lýsti því yfir að hann væri í tygjum við ofboðslega fræga konu.
Frétt mbl.is: Í tygjum við ótrúlega fræga konu
Fjölmiðlar og aðdáendur leikarans fóru á algeran yfirsnúning og kepptust við að komast að því hver sú heppna væri. Margar leikkonur voru nefndar á nafn í því samhengi, líkt og Susan Sarandon, Halle Berry, Diane Keaton, Meg Ryan og jafnvel ungstirnið Kristen Stewart.
Frétt mbl.is: Hver er huldukonan?
Samkvæmt frétt Daily Mail hefur talsmaður leikarans þó dregið ummælin til baka og segir að Neeson hafi einfaldlega verið að gera að gamni sínum.
„Hann var að grínast í viðtali sínu við Irish Independent.“