Keith Emerson látinn

Breski hljómborðsleikarinn og progrokk goðsögnin Keith Emerson er látinn, 71 árs að aldri. Þetta kemur fram í tilkynningu frá fyrrum hljómsveit hans, Emerson, Lake and Palmer.

„Okkur þykir leitt að tilkynna að Keith Emerson lést í nótt á heimili sínu í Santa Monica í Los Angeles,“ segir á Facebook-síðu sveitarinnar.

Emerson hefur lengi verið virtur sem einn besti hljómborðsleikari progrokk-tímabilsins.

Fyrrum hljómsveitarfélagi hans, Carl Palmer, segir á Facebook-síðu sinni: „Ég er mjög hryggur yfir tíðindum af andláti míns góða vinar og tónlistarbróður, Keith Emerson.

Keith var ljúf sál og um ókomin ár mun ekkert jafnast á við ást hans á tónlist og þá ástríðu sem hann sýndi sem hljómborðsleikari.“

Emerson fæddist í Jórvíkurskíri á Englandi árið 1944 en BBC greinir frá andláti hans.

• Blogga um frétt