Karlotta prinsessa fagnar eins árs afmæli sínu á morgun og af því tilefni birti breska konungsfjölskyldan nýjar myndir af henni á Facebook síðu sinni.
Í færslunni kemur fram að móðir hennar Katrín hertogaynja af Cambridge hafi tekið myndirnar sjálf í apríl á heimili þeirra í Norfolk.
Þó svo að Karlotta klæðst fallegum kjólum og fíngerðum prjónapeysum á myndunum væri auðvelt að ætla fljótt á litið að þarna væru gamlar myndir af Georgi prins á ferð. En þó systkinin deili sömu bústnu kinnunum og hugsandi augnaráðinu, er Karlotta dökkhærðari en bróðir sinn, og skartar að auki forláta slaufu í hárinu, í stíl við kjólinn hverju sinni.