Raunveruleikastjarnan og fyrirsætan Kendall Jenner hitti sjálfan Bandaríkjaforseta á laugardaginn, þegar hún sótti Hvíta húsið heim.

Jenner lýsti því yfir að hún væri afar upp með sér að vera boðið að taka þátt í kvöldverði fréttaritara, en forsetinn sjálfur var þó ekki alveg viss við hvað ungstirnið starfaði líkt og kemur fram í umfjöllun Mirror.

„Kendall Jenner er hérna, en við fengum tækifæri á að hittast baksviðs,“ sagði Obama þegar hann ávarpaði gesti kvöldverðarins.

„Hún virðist vera afar indæl ung kona. Ég er ekki alveg viss hvað hún starfar, en mér er sagt að umtal mitt á Twitter sé að rjúka upp úr öllu valdi.“  

Jenner sjálf viðurkenndi að hafa verið með stjörnur í augunum þegar hún hitti Obama, og bætti því við að hún hefði aldrei áður verið feimin þegar hún hitti fræga einstaklinga.

Þrátt fyrir að vita ekki upp á hár við hvað Jenner starfar veit forsetinn fullvel hver systir hennar er, enda bað hann ungstirnið að skila kveðju til Kim og Kanye frá sér.

Eins og sjá má var fyrirsætan upp með sér að vera boðið.

Barack Obama veit kannski ekki við hvað Kendall starfar, en hann er þó vel kunnugur Kim og Kanye. AFP

Tengdar fréttir

Kardashian

Kardashian keypti bíl sem var kynntur á hálendi Íslands

• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“
• Kardashian í einkaþotu á Arsenal leik

» Fleiri tengdar fréttir

• Blogga um frétt