Blac Chyna, nýja mágkona Kardashian-systranna, segir skarti og seðlum að andvirði 24,3 milljónum króna hafa verið stolið af heimili sínu um helgina. Hún hefur ákveðna einstaklinga undir grun, þá sérstaklega einn æskuvin.
Þessu var greint frá á vef TMZ. Þar kemur fram að Chyna telji „gamlan vin“ sinn bera ábyrgð á verknaðinum. Chyna segir þennan vin vera bitran yfir nýjum lífstíl sem hún tók nýlega upp sem felur í sér að hún er hætt að drekka og reykja.
Fregnir herma að skartið og peningarnir hafi verið læst inn í öryggishólfi sem fáir vissu af, því koma ekki margir til greina. Málið mun vera til rannsóknar hjá lögreglunni í Los Angeles.