Adele var orðlaus

Heimurinn stóð á öndinni eftir útkomu Lemonade, nýrrar plötu Beyoncé á dögunum. Bæði fjölmiðlar, sem og aðdáendur, hafa farið mikinn og hafa lofað söngkonuna og verk hennar í hástert undanfarna daga.

Sönggyðjan Adele er þar ekki undanskilin, en hún jós poppdrottninguna lofi í færslu sem hún birti á Instagram.

„Ég er ekki sein að meðtaka. Ég hef bara verið orðlaus,“ segir Adele í færslu sinni.  Þá hrósar hún Beyoncé einnig fyrir hæfileika, þokka og vinnusemi og lýsir því jafnframt yfir að hún dýrki söngkonuna og dái.

„Ég met þig svo mikils. Guði sé lof fyrir Beyoncé.“

Svo virðist vera sem virðingin sé gagnkvæm, en fyrir nokkru bárust fregnir að því að Beyoncé hafi frestað útkomu plötu sinnar vegna velgengni Adele.

Frétt mbl.is: Er ný plata á leiðinni?

• Blogga um frétt