Elsti köttur heims er dauður, þrítugur að aldri. BBC greinir frá þessu. Heimsmetabók Guinnes útnefndi Scooter nýverið sem elsta kött veraldar. Eigandi hans, Texasbúinn Gail Floyd, segir Scooter hafa drepist stuttu áður en Guinness staðfesti að hann hefði verið sá elsti sem vitað var um.

Á vef breska ríkisútvarpsins er haft eftir dýralækni að í mannsárum talið hefði Scooter verið um það bil 136 ára.

Scooter upplifði margt á sinni löngu ævi og þakkar Floyd langlífi hans því að hann hafi verið iðinn við að hreyfa sig og ferðast, en hann á að hafa heimsótt 45 af fimmtíu ríkjum Bandaríkjanna á meðan hann lifði.

Scooter er þó ekki elsti köttur allra tíma samkvæmt heimsmetabókinni. Elsti köttur sem vitað er um var einnig frá Texas og varð hann 38 ára, eða 172 ára í mannsárum. 

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt