Fótboltakappinn fyrrverandi, David Beckham, er sérlega hrifinn af Hamborgarabúllunni, eða Tommi‘s Burger Joint, líkt og staðurinn nefnist í Bretlandi.
Á dögunum skellti hann sér, ásamt þremur börnum sínum, út að snæða og keypti í leiðinni borgara fyrir heimilislausan mann sem hann rakst á fyrir utan staðinn.
„David kom út með hamborgara og bjórflösku í vasanum. Þegar hann rétti heimilislausa manninum hamborgarann lifnaði yfir honum,“ sagði ónefndur heimildarmaður í samtali við The Sun.
„Þeir spjölluðu svolitla stund og hlógu, síðan fór David aftur til fjölskyldu sinnar.“