Hin unga leikkona Jennifer Lawrence hefur ekki alltaf farið vel að ráði sínu í samskiptum við fjölmiðla. Þetta viðurkenndi hún í spjallþætti Jimmy Fallon á dögunum.
Lawrence rifjaði upp sögu af hræðilega misheppnuðum fjölmiðlafundi, þar sem hún var að kynna mynd sína The Burning Plain frá árinu 2008. Charlize Theron og Kim Basinger léku einnig á móti Lawrence í myndinni, en Basinger var fjarverandi á fundinum.
„Ég sagði, voruð þið ekki búin að frétta það. Kim er dáin,“ játaði leikkonan að hafa sagt þegar fréttamenn spurðu hvar Basinger væri.
„Ég var rifin niður af sviðinu og sett í fjölmiðlaþjálfun. Augljóslega virkaði hún ekki neitt.“
Frétt Daily Mail