Ofurfyrirsætan Lara Stone er talin vera að slá sér upp með kollega sínum, hinum 19 ára Jordan Barrett.
Skötuhjúin yfirgáfu 100 ára afmælisfögnuð tímaritsins Vogue í sameiningu, en nokkrum dögum fyrr sást Barrett smella rembingskossi á fyrirsætuna þegar þau heimsóttu kvikmyndahátíðina í Cannes.
„Þau virtust ekki geta hætt að hlæja, en Jordan greip í hönd Löru og leiddi hana áfram. Þeim virtist líða mjög vel í návist hvort annars,“ sagði ónefndur heimildamaður dagblaðsins The Sun.
Stone var áður kvænt rithöfundinum og gamanleikaranum David Walliams og eiga þau saman þriggja ára son. Barrett hefur hins vegar til að mynda verið orðaður við Hailey Baldwin og Paris Hilton.