Holdafar gamanleikkonunnar Amy Schumer hefur lengi verið á milli tannanna á fólki og hafa nettröll verið gjörn á að tjá sig um vaxtarlag hennar á neikvæðum nótum.
Schumer er þó með munninn fyrir neðan nefið og fullfær um að svara fyrir sig. Þetta sannaði hún, enn á ný, eftir að myndir af henni á sundfötum fóru í dreifingu á netinu.
„Ég vona að þið finnið einhverja gleði í lífi ykkar í dag og eigið í samskiptum við fólk, í stað þess að skrifa óvingjarnlegar athugasemdir til fólks sem þið hafið aldrei hitt,“ skrifaði leikkonan í færslu á Instagram, sem tileinkuð var nettröllum.
„Svona lít ég út. Ég er hamingjusöm. Mér finnst ég líta út fyrir að vera sterk og heilbrigð.“
Frétt mbl.is: Segist ekki vera í yfirstærð
A photo posted by @amyschumer on May 24, 2016 at 10:44am PDT