Leikkonan Megan Fox, sem gengur með sitt þriðja barn, greindi frá því á dögunum að hún elskaði að vera ólétt.
„Mér finnst ferlið í heild sinni undravert. Mér finnst ég svo afkastamikil að vera að búa til manneskju, sem ég get ekki beðið eftir að hitta því ég veit að við höfum svo sterk andleg tengsl.“
Leikkonan á fyrir tvo syni með eiginmanni sínum, Brian Austin Green. Fyrr á árinu greindu hjónakornin frá því að þau hygðust skilja, þeim virðist þó hafa snúist hugur og vinna nú í sambandinu líkt og fram kemur í frétt Daily Mail.