Hjónaband Amber Heard og Johnny Depp hefur mikið verið á milli tannanna á fólki undanfarið, en Heard sótti um skilnað á dögunum. Í kjölfarið fór hún fram á nálgunarbann á hendur Depp, en dómstóll úrskurðaði að hann þyrfti að halda sig fjarri leikkonunni.

Heard heldur því fram að Depp hafi beitt hana líkamlegu, sem og andlegu, ofbeldi á meðan samband þeirra stóð auk þess sem hún segir leikarann eiga í erfiðleikum með skap sitt.

Eftir að fréttir að skilnaðinum bárust sendi grínistinn og vinur Depps, Doug Stanhope, frá sér opið bréf sem birtist á vefnum Wrap. Þar heldur hann því fram að Heard sé að reyna að kúga fé út úr leikaranum með upplognum sökum.

Lögmaður Heard sendi í kjölfarið frá sér yfirlýsingu, þar sem farið var fram á að pistillinn yrði tekinn úr birtingu auk þess sem ásökunum var vísað á bug.

„Ásakanirnar á hendur Heard eru algerlega og ótvírætt upplognar,“ segir í bréfi frá lögmanni leikkonunnar, Peter Sample, sem segir afar óviðeigandi af vefmiðlinum að hafa birt pistilinn.

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt